很感恩有機會可以邁出自己既一步去嘗試phoTALKgraphy=]
近年，我都覺得自己對「家庭」既概念要由20歲後先開始再慢慢重新去堆砌，以前既事無咩價值值得我去探究同回憶，甚至之前會覺得自己要由一個虛幻既世界重新走出黎，要重新建構一個真既自己同真正屬於自己既人生。
不過今日體驗左一次既phoTALKgraphy，讓我慢慢由兒時既事重溫一番，再講到我現在既生活，有啲野我本來無諗過講出黎，但到最後，我心入面真係好想透過proTALK去搵到自己一直搵既答案，而且我真係好珍惜今次既機會希望可以係繁忙既生活中，歸納出一啲力量，證明自己真係唔係人地口中既仆X、垃X同廢X，以家為題，為自己寫一個小總結。
而慶幸係呢段都有一定長度既時間入面，我能夠搵到對我人生重要既一啲句子同詞彙，唔洗否定自己既過去，就好似「家姐」咁，雖然只係一個簡單既名詞，對其他人黎講可能只係一個常見既稱呼，但就俾到我愛惜自己同想再次出發既動力，而且您不停深入去發掘當中既意思既時候，助我找到佢係我心中既分量，唔只係對家庭方面既睇法有得著，對我自己解難既能力上都有一定既肯定。你既回應令我有盼望將來既感覺，令我就算完左活動之後都可以有思考同自我深究既空間，用既就係我帶來既一張久遠既全家褔。
好感謝紅棗姑娘既耐性，俾時間我去沉澱、反思同細味我嗰一堆本來已令我好想忘記，甚至已經真係忘記左一大部分而又已經唔可能再重現既珍貴往事，讓我有機會搵返一個應有、可有同獨有既自己可以去搵自己既理想甚至有追夢既感動。
有見我身邊有一群追夢同努力向上、想自己變得更好既朋友仔，所以我係呢度同大家分享呢個美好既phoTALKgraphy~~~有研究Narrative therapy既朋友仔，我誠意向大家推薦呢個page~~因為好野就係要大家一齊分享架啦~~~@v@~~~同埋淨係得我既片面之辭，大家係唔會全面感受到佢既力量，所以希望大家入去睇下同搵紅棗姑娘感受下啦~~
No comments:
Post a Comment